मूल (चंद्रपूर), दि. १० – बैलपोळा सणाचे औचित्य साधून साईबाबा मंदिर बाजार समिती, मूल च्या वतीने आगळा-वेगळा उपक्रम राबविण्यात येणार आहे. येणाऱ्या प्रत्येक बैलजोडीधारक शेतकरी बांधवाला *शेती अवजार भेट* म्हणून देण्यात येणार आहे.
शेतकऱ्यांचा जिव्हाळ्याचा सण असलेल्या बैलपोळा निमित्त शेतकऱ्यांप्रती कृतज्ञता व्यक्त करण्यासाठी आणि शेतीला प्रोत्साहन देण्यासाठी बाजार समितीने हा उपक्रम हाती घेतला आहे. शेतकरी हा बळीराजा असून बैल हा त्याचा सोबती आहे, त्याच्या सन्मानार्थ ही भेटवस्तू देण्यात येणार आहे.
तसेच बैलपोळा निमित्त सर्व शेतकरी बांधवांना बाजार समितीच्या वतीने हार्दिक शुभेच्छा देण्यात आल्या आहेत.या उपक्रमाचे शेतकरी बांधवांकडून स्वागत होत असून बाजार समितीच्या या निर्णयाचे सर्वत्र कौतुक होत आहे.
